Një çift britaniko-kanadez që po përpiqeshin të lundronin përtej Atlantikut, janë gjetur të vdekur në një ishull në brigjet lindore të Kanadasë. Brett Clibery, 70 vjeç, dhe gruaja e tij, Sarah Packwood, 60 vjeç, kishin lundruar disa kohë me anijen e tyre me vela, por trupat e viktimave u gjetën në një varkë shpëtimi në ishullin Sable, sipas Policisë Kanadeze.
Çifti u largua nga Halifax Harbour më 11 qershor, rrugës për në Azores, një grup ishujsh portugez në mes të Atlantikut. Ata u raportuan të zhdukur më 18 qershor dhe trupat e tyre u gjetën një muaj më vonë.
Nuk është ende e qartë pse çifti braktisi anijen dhe hipi në një varkë shpëtimi, ndaj hetimet po vazhdojnë.
Ishulli Sable njihet si “varreza e Atlantikut” dhe ka pasur më shumë se 350 mbytje të regjistruara atje që nga viti 1583, sipas Muzeut Detar të Atlantikut. Clibbery dhe Packwood e përshkruanin veten si udhëtarë aventurierë dhe dokumentonin udhëtimet e tyre në një kanal në YouTube të quajtur “Theros Adventures”.
Udhëtimi fatkeq ishte pjesë e asaj që çifti e quajti “Odisea e gjelbër” e tyre, për të cilën Clibbery tha se kishte për qëllim të tregonte se është e mundur të udhëtosh distanca të gjata me një varkë elektrike që punon falë paneleve diellore.
