Partia e Lirisë e ka quajtur një plan për gjakderdhje, sherrin fizik në mbledhjen e Këshillit Bashkiak Tiranë, të hënën pasdite
Tedi Blushi i cili u grushtua me Halit Valterin e PS-së, foli për një skenar të parapërgatitur
“Ka qenë e planifikuar dhe është planifikuar që në atë seancë të kishte gjakderdhje. Këtë e them me bindje, sipas burimeve shumë të sigurta policore. Kryebashkiaku Erion Veliaj ka qenë i veshur me antiplumb dhe brenda në sallë ka pasur persona të armatosur dhe civilë”,-tha Tedi Blushi.
Ilir Meta, duke marrë në mbrojtje krahun e tij të djathtë, sulmoi sërish kreun e SPAK.
“Edhe analfabet të ishte ti nëse do kishe një gram dinjitet, Erion Veliaj do të ishte në burg edhe vetëm për këtë shkresë. Se ti Ramoviçit nuk ke çfarë ti bësh”,-tha Ilir Meta.
Mbledhja e këshillit bashkiak të hënën dështoi, pas tensioneve në sallë. Këshilltari i Partisë së Lirisë, Tedi Blushi i hodhi Veliajt një tufë me letra, ndërsa më pas u konfliktua fizikisht me Halit Valterin
