Armando Broja ka dhuruar një asist në ndeshjen miqësore që Chelsea ka barazuar 2-2 në Amerikë ndaj Wrexham.
Sulmuesi shqiptar është rikthyer te Chelsea pas huazimit në fazën e dytë të sezonit të kaluar te Fulhami dhe tashmë po zhvillon fazën përgatitore me “Blutë e Londrës”, aty ku ka dalë si futbollist.
22-vjeçari nuk ishte në formacion në këtë ndeshje miqësore, por u aktivizua me nisjen e pjesës së dytë. Broja arriti të dhuroi asist për Ugochukëu, i cili barazoi shifrat në 2-2 në minutën e 85-të të ndeshjes.
Pavarësisht se është pjesë e Chelseat në këtë fazë përgatitore, Broja vijon të mbetet në merkato dhe e ardhmja e tij është ende e pasigurt, ndërsa kërkesat e janë të shumta.
