81 
Një aksident i rëndë ka ndodhur pasditën e sotme ku një 17 vjeçar që drejtonte një motomjet është përplasur me një makinë në aksin rrugor Shkodër – Muriqan.
Sipas informacioneve nga Policia, 17-vjeçari ka qenë duke udhëtuar me një motor dhe është përplasur me një mjet për pasojë ka mbetur i plagosur.
“Motomjeti me drejtues një 17-vjeçar, është përplasur me automjetin me drejtues shtetasin F. M. Si pasojë është dëmtuar i mituri 17-vjeçar i cili është dërguar për ndihmë mjekësore në spitalin rajonal të Shkodrës” informoi sot policia e Shkodrës.
Grupi hetimor po punon për sqarimin e rrethanave të aksidentit.
