Rreth 4,000 njerëz u detyruan të largoheshin nga shtëpitë e tyre në Kaliforni nga një zjarr i madh që vazhdoi të rritet në mënyrë të rrezikshme të premten, pavarësisht ndërhyrjes së 1,700 zjarrfikësve, duke ngritur shqetësime tek autoritetet.
Që kur shpërtheu në Kaliforninë veriore të mërkurën pasdite, Zjarri ka djegur më shumë se 720 kilometra katrorë pyll dhe 134 ndërtesa që nga dita e djeshme dhe mbetet i pakontrolluar, sipas Shërbimit CalFire të Pyjeve dhe Mbrojtjes nga Zjarri në Kaliforni.
Zjarri po përhapej me shpejtësi te këmbësorëve në një zonë rurale tre orë me makinë në verilindje të San Franciskos.
Mbrëmë Guvernatori i Kalifornisë, Gavin Newsom shpalli gjendjen e jashtëzakonshme në dy qarqe të kërcënuara nga flakët, për të përshpejtuar veprimet e autoriteteve.
Zjarri detyroi rreth 4,000 njerëz të largoheshin nga shtëpitë e tyre në fshatrat Cohasset dhe Forest Ranges pasi shpërtheu në qytetin e vogël Chico.
