77 
Hakmarrja për vrasjen e liderit të Hamasit Ismail Haniyeh është “detyrë e Teheranit” sepse ndodhi në kryeqytetin iranian, tha të mërkurën lideri suprem i Iranit, Ayatollah Ali Khamenei.
Sipas Reuters, Khamenei tha se Izraeli ka siguruar arsyet për “ndëshkim të ashpër” për veten.
Izraeli nuk ka bërë ende asnjë koment për vrasjen e Haniyeh, por në një deklaratë, Hamasi e akuzoi Izraelin për sulmin.
Në deklaratën e Hamasit u tha se grupi po mban zi për Haniyeh “i cili vdiq si rezultat i një sulmi tradhtar sionist në rezidencën e tij në Teheran, pasi mori pjesë në ceremoninë e inaugurimit të presidentit të ri iranian”.
