Katër serbë janë arrestuar sot në mëngjes në Pasjan afër Gjilanit, për krime të dyshuara lufte, kështu kanë treguar për mediet serbe anëtarët e familjes së të arrestuarit Dragan Niçiq, një arsimtar në pension. Përveç Dragan Niçiqit, janë arrestuar edhe Dragan Cvetkoviq, Slobodan Jevtiq dhe Milça Shoshiq.
Ata janë arrestuar nga operacioni i njësive speciale të policisë nga Prishtina në komandën policore të rajonit të Gjilanit, pa specifikuar detaje të tjera, pasi rasti nuk është në juridiksionin e tyre.
Aksioni është kryer me urdhër të prokurorit special nga Prishtina, kanë deklaruar familjarët e të arrestuarit Niçiq, duke shtuar se policia gjatë aksionit ka bastisur shtëpinë e tyre, por nuk ka gjetur armë e as ndonjë gjë tjetër të dyshimtë.
Arrestimi i katër serbëve në Pasjan i ka shqetësuar banorët e atij fshati më të madh serb në rajonin e Pomoravljes së Kosovës.