Për një moment, u duk sikur fati i ekipit të femrave të Team USA kishte mbaruar. Kërkimi për medaljen e tetë të artë olimpike radhazi u shfaq i lëkundshëm për shkak të një kombinimi të lojës së ngathët dhe një ekipi francez të gatshëm për t’u hakmarrë për humbjen e ndeshjes së meshkujve një ditë më parë.
Ndeshja e së dielës me medaljen e artë kundër Francës ishte padyshim ndeshja më e keqe e ekipit të femrave të SHBA-së në Lojërat Olimpike të Parisit 2024. Ato ranë viktimë e mbrojtjes nën presion të francezëve gjatë gjithë lojës.
Dhe një ekip me lojtarët më të mirë në botë dukej si një guaskë e mbyllur brenda vetes në pjesën më të madhe të lojës. Por ato megjithatë luftuan fort dhe kaluan vështërsitë të mbështetura nga ylli Kahleah Copper për t’i kthyer gjërat në rrugën drejt një fitoreje 67-66 në Bercy Arena të dielën.
Shtetet e Bashkuara qëndruan në krye të botës së basketbollit, duke arritur medaljen e tetë të artë radhazi dhe fitoren e 61-të radhazi në përgjithësi.
