263 
Pasditen e sotme ka çarkulluar lajmi se në Ferizaj, në një sallë dasmash ka pasur të shtëna me armë zjarri dhe se një person e ka humbur jetën nga ato të shtëna.
I vrari në sallën e dasmave në Bibajt të Ferizajt është xhaxhai i Prindon Sadriut, bashkëshortit të presidentes Vjosa Osmani, raportojnë mediet lokale.
Sipas burimeve në vendin e ngjarjes thuhet se i vrari është Sadri Sadriu, ndërkaq i dyshuari për vrasjen e tij është polici i Kosovës, Festim Ramadani.
Zëvendësdrejtori i Policisë për rajonin e Ferizajt, Qazim Reka, ka konfirmuar se incidenti ka ndodhur në një sallë dasmash, teksa shtoi se posa të ekzaminohet vendi i ngjarjes do të bëhen të ditura detaje të tjera.
