Joe Biden ka thënë se është "optimist" se mund të arrihet një marrëveshje për ti ndaluar të shtënat në Gaza.
"Ne jemi më afër se kurrë," tha presidenti amerikan pas raundit të fundit të bisedimeve, duke shtuar se ai po dërgonte sekretarin e tij të shtetit në Izrael për të vazhduar (përpjekjet intensive) për të përfunduar këtë marrëveshje".
Mes shqetësimeve se Irani mund të nisë një sulm ndaj Izraelit për vrasjen e liderit të Hamasit Ismail Haniyeh në Teheran, zoti Biden tha se "askush në rajon nuk duhet të ndërmarrë veprime për të minuar këtë proces".
Pa përmendur mundësinë e një armëpushimi, Izraeli tha se "vlerëson përpjekjet e SHBA dhe ndërmjetësve për të bindur Hamasin nga refuzimi i tij për një marrëveshje për lirimin e pengjeve" - ndërsa Hamasi shprehu skepticizëm për shanset për një marrëveshje.
