Ministria e Punëve të Brendshme ka publikuar përditësimin më të fundit për gjendjen në pikat kufitare të Kosovës.
Sipas përditësimit të fundit të orës 20:12, në disa pika kalimi kufitar janë evidentuar pritje të gjata, veçanërisht në Merdar
Gjendja aktuale në disa pika kufitare:
Merdar: Për daljen nga Kosova, koha e pritjes arrin deri në 90 minuta, me një kolonë prej 600 metrash. Pritja për hyrje është më e shkurtër, rreth 5-10 minuta.
Dheu i Bardhë: Ka një kolonë prej 200 metrash për daljen, dhe koha e pritjes është rreth 30 minuta. Hyrja në Kosovë nga kjo pikë kalimi zgjat 5-10 minuta.
Muçibabë: Për daljen, pritja është rreth 20 minuta, ndërsa për hyrjen zgjat 3-5 minuta.
Pika të tjera kufitare: Në shumicën e pikave kufitare, përfshirë Glloboqicën, Hanin e Elezit, Jarinjën dhe Vërmicën, koha e pritjes është 3-5 minuta, pa kolona të gjata
Kjo situatë mund të ndryshojë gjatë ditëve në vijim, dhe rekomandohet që qytetarët të informohen rregullisht për përditësimet e fundit për të shmangur vonesat dhe të planifikojnë udhëtimet në përputhje me rrethanat.
