Në profilin e tij në facebook, ish-Kryeministri Avdullah Hoti ka reaguar pas lajmit se Albin Kurti ka takuar komunitetin Shqiptar në SHBA dhe u ka folur atyre për arritjet gjatë mandatit qeverisës.
Avdullah Hoti ka shkruar dhe ia ka rikujtuar Kurtit se e ka çuar vendin nën sanksione, ka marrë “kërcënime” nga aleati kryesor, SHBA, ka kohë që askush nuk e pret në administratën amerikane në nivele që duhet pritur një kryeministër.
Më tutje z.Hoti ia kujton Kurtit edhe se korrupsioni ka lulëzuar si kurrë më parë, standardi i jetës ka rënë, 200 mijë të rinj e të reja fuqi punëtore kanë emigruar, investimet e jashtme janë vetëm blerjet e banesave nga mërgata jonë.
Sipas z.Hoti ato tregimet e Kurtit që ua thotë mërgimtarëve në SHBA janë vetëm dogma dhe se me siguri ata nuk i besojnë kur ky flet.
