KFOR’iu përmes një postimi në Facebook, të hënën ka treguar për takimin e komandantit të KFOR-it, gjeneralmajor Ozkan Ulutash me presidenten e Kosovës, Vjosa Osmani.
Ky takim sipas KFOR’it ka qenë si pjesë e takimeve të rregullta që zhvillojnë me përfaqësuesit e institucioneve të Kosovës.
Në këtë takim është folur edhe për urë e ibrit, ku KFOR’i thotë se e ka qëndrimin e kahershëm. KFOR’i edhe ditë më parë doli kundër kësaj iniciative institucionale.
“Ata shkëmbyen mendime për situatën aktuale dhe tema të tjera që kanë të bëjnë me sigurinë dhe stabilitetin rajonal. Gjeneralmajor Ulutash nënvizoi rëndësinë e vazhdimit të koordinimit me homologët e tij. Në lidhje me urën në Mitrovicë, ai rikonfirmoi qëndrimin e kahershëm të KFOR-it”, thuhet në njoftimin e KFOR-it.
