67 
Presidentja Vjosa Osmani është takuar me Ndihmës Sekretarin e Përgjithshëm të NATO-s, ambasadorin Boris Ruge.
Osmani shkroi se në takim ia shprehu atij mirënjohjen e Kosovës për kontributin e vazhdueshëm të aleancës dhe përkushtimin e vendit për t’u anëtarësuar në NATO.
“Sot, në takim me Ndihmës Sekretarin e Përgjithshëm të NATO-s, ambasadorin Boris Ruge ritheksova mirënjohjen e Kosovës për kontributin e vazhdueshëm të NATO-s në Kosovë, si dhe përkushtimin e Kosovës për anëtarësim në NATO”, shkroi Osmani në një postim në Facebook.
“Kosova është e gatshme që t’i kontribuojë unitetit transatlantik në mbrojtje të vlerave të përbashkëta të paqes, demokracisë e lirisë”, shtoi ajo.
