Ish-presidenti amerikan, Donald Trump kritikoi fjalimin e presidentit aktual, Joe Biden në Konventën Kombëtare Demokratike të hënën në mbrëmje, duke e quajtur atë “të zemëruar dhe të çoroditur.”
“Një fjalim i zemëruar dhe i çoroditur, plot gënjeshtra”, shkroi Trump fillimisht në rrjetin personal Truth Social
Ai më tutje shtoi se “Biden mori meritat për gjithçka që u bë gjatë Administratës Trump, madje vazhdoi të thotë se ai ishte më i mirë për inflacionin dhe punësimin.
Trump sulmoi Bidenin edhe për tërheqjen kaotike të trupave amerikane nga Afganistani, shkruan cnn.
Kandidati republikan për president gjithashtu deklaroi se Biden nuk e ka menaxhuar si duhet pandeminë COVID-19 dhe e ka kritikuar për mënyrën se si e ka menaxhuar imigracionin e paligjshëm.
Donald Trump /An angry and ranting Speech full of LIES, Biden took credit for everything done during the Trump Administration, even continuing to say that he was better on Inflation and Jobs. He never mentioned the Afghanistan Disaster and all the Wars he got us into, or the fact that far more people died from COVID during the Biden years than the Trump years. The Jobs Biden/Harris “created” were almost 100% from Illegal Aliens pouring into our Country, which are destroying the lives of our Black and Hispanic population!
Duke folur në një sallë të mbushur plot në Chicago në natën e parë të Konventës Kombëtare Demokratike, Biden ofroi një mbrojtje të plotë të presidencës së tij – duke prekur shumë nga temat për të cilat ai bëri fushatë në vitin 2020 dhe përsëri këtë vit përpara se të braktiste garën zgjedhore në mes të korrikut, disa javë pas një ecurie jo të mirë debati
“Si shumë prej jush, unë i dhashë zemrën dhe shpirtin tim këtij kombi”, tha ai, në fund të një fjalimi gati njëorësh të shoqëruar nga thirrjet e zhurmshme “Faleminderit, Joe”.
Demokratët shpresojnë që kuvendi gati njëjavor do të forcojë pozitat e kandidates për president, Kamala Harris në përballjen me kandidatin republikan, Donald Trump, rikthimi i të cilit në garë shihet nga demokratët si një rrezik ekzistencial.
Duke u bërë kandidate për presidente vetëm rreth një muaj më parë, Harris i duhet tashmë të fitojë mbështetjen e një vendi të ndarë, që e sheh atë më pozitivisht, por që ende nuk ka marrë një vendim për zgjedhjet e ardhshme.
