Southamptoni ka pasur një rikthim të hidhur në Ligën Premier pasi humbi të dy ndeshjet e tyre të para të sezonit 2024/25.
Ka qenë një përvojë edhe më e keqe për sulmuesin kilian, Ben Brereton Diaz, i cili u bashkua me ‘Saints’ në afatin kalimtar të verës
Diaz ishte i përfshirë në përjashtimin e mbrojtësit të Newcastle United, Fabian Schar në humbjen 1-0 të Southampton ndaj ‘Magpies’ në fundjavën e kaluar, duke i dhënë atij shumë kritika për simulimin e tij.
Megjithatë, sulmuesi kilian ka një histori edhe më të turpshme për të menduar. Kjo për shkak se ai nuk ka fituar ende asnjë ndeshje të Ligës Premier në karrierën e tij.
Diaz është paraqitur në 16 ndeshje në Ligës Premier për Sheffield United dhe Southampton, duke humbur në 12 raste dhe duke parë skuadrat e tij duke luajtur katër barazime.
Nëse Southampton barazon ose humbet ndeshjen e radhës kundër Brentford, seria e Diazit pa fitore do të shkojë në 17 ndeshje.
Kjo do ta bëjë atë të barazojë rekordin për më shumë ndeshje të Ligës Premier pa fitore.
Pavarësisht ecurisë së tij pa fitore, Diaz ka shënuar gjashtë gola në 16 ndeshjet e Ligës Premier në të cilat ka luajtur.
