56 
Sot, Kryetari i Komunës së Lipjanit, z. Imri Ahmeti, nënshkroi një memorandum bashkëpunimi me Ministren e Industrisë, Ndërmarrësisë dhe Tregtisë, znj. Rozeta Hajdari. Ky memorandum përfshin investime të përbashkëta në Zonën Ekonomike të Qylagës, me synimin për të vendosur biznese që do të krijojnë vende të reja pune.
Në fazën e pestë të zhvillimit të infrastrukturës, do të krijohen hapësira industriale moderne, duke ofruar kushte të përshtatshme për investitorët.
Zona Ekonomike e Qylagës, për shkak të pozicionit të saj strategjik pranë Aeroportit Ndërkombëtar të Prishtinës dhe afërsisë me dy autostradat kryesore, ofron një mundësi të jashtëzakonshme për investime.
