Italia është goditur sërish nga moti i keq gjatë pasdites së sotme. Stuhitë e mëdha të shiut kanë përfshirë disa komuna në provincën e Avellinos duke krijuar lumenj të mëdhenj të rrëmbyeshëm në rrugë.
Në pamjet e publikuara në media, shikohen se si ato vërshojnë me shpejtësi duke marrë para gjithçka dhe duke u kthyer në një rrezik serioz për jetën e njerëzve.
Sipas mediave italiane, moti ndryshoi në pak minuta, ku dielli i la vendin reve të tejmbushura me shi, të cilat sollën erë të fortë dhe reshje me intensitet të lartë, duke shkaktuar edhe përmbytje në shumë zona.
Situata më e rëndë ishte në Baiano, ku termocentrali Via Liberta u zhyt nën ujë. Shumë persona u shpëtuan nga zjarrfikësit. Ndërkohë, rruga që përshkon qytetin në Mugnano del Cardinale u kthye në lum duke marrë para makinat e parkuara.
Fatmirësisht, deri tani nuk ka pasur raportime për persona të lënduar nga kjo çmenduri e motit, ndërsa emergjencat civile ndodhen në terren për të parandaluar probeme të mundshme.
