Futbollisti brazilian Neymar është një nga sportistët më të paguar në botë dhe kur merret parasysh se ai ka luajtur vetëm pesë ndeshje në Arabinë Saudite që nga ardhja e tij, vihet re shifra marramendëse që ka fituar për ndeshje.
Neymar nënshkroi për Al-Hilal pak më shumë se një vit më parë, por u lëndua pas vetëm pesë ndeshjesh në fanellën e klubit të tij të ri
Ai nënshkroi një kontratë të pabesueshme dyvjeçare dhe u bë një nga lojtarët më të paguar në ligë, menjëherë pas Cristiano Ronaldos.
Ish-ylli i madh i Barcelonës dhe Paris Saint Germain fiton 3.15 milionë euro në javë në Arabinë Saudite. Kjo do të thotë se në 54 javët që ka qenë anëtar i Al-Hilal ka fituar 170 milionë euro të pabesueshme.
Lëndimi e pengoi atë të luajë më shumë ndeshje dhe kur marrim parasysh faktin se ai luajti vetëm pesë herë në fanellën e Al-Hilal, arrijmë në një shifër prej më shumë se 30 milionë euro për ndeshje në fanellën e klubit të ri.
Fatmirësisht, braziliani do të rikthehet së shpejti në fushë pas një dëmtimi të rëndë në ligamentin e përparmë të kryqëzuar. Ai filloi të stërvitet me shokët e tij në Al-Hilal.
