Pas përfundimit të Forumit Global të Sigurisë GLOBSEC 2024, Presidenti i Serbisë, Vuçiq, ka folur edhe për situatën në Kosovë.
Vuçiq theksoi se është e rëndësishme që evropianët dhe amerikanët e ddënuan kryeministrin e Kosovës Albin Kurtin për depërtimin e forcave të policore në veri të Kosovës, duke shtuar se “ngadalë por me siguri, E gjithë bota ka filluar të kuptojë se kush është ai që realisht dhe në thelb krijon probleme në rajon”.
“E rëndësishme është që KFOR-i, si dhe NATO-ja, t’i mbajnë pozicionet e tyre të lidhura fort me urën në Ibër. Më duhet të pranoj se nuk e kuptoj mirë se çfarë është qëllimi, përveç dëshirës për të provokuar Serbinë? nuk e kuptoj fare se çfarë është thelbi dhe cili është rezultati përfundimtar, të cilin e sheh lidershipi i Prishtinës”, tha Vuçiq në Pragë, ku po merr pjesë në Forumin Global të Sigurisë “GLOBSEC 2024” në Pragë.
“Për momentin përfaqësuesit e Listës Serbe janë duke biseduar me Quintin në Prishtinë. Besoj se ata do t’i përcjellin shqetësimet e e tyre. Ne do të punojmë me njerëzit tanë. Ata do t’i marrin të gjitha të ardhurat e tyre, sido që të jetë. Ne do të vazhdojmë të investojmë sa më shumë dhe do të mundohemi të ruajmë paqen dhe mbijetesën e popullit tonë në Kosovë, por mendoj se nëse ka një gjë të vogël që nuk është e keqe në të gjitha këto të këqija, është që ngadalë me siguri e gjithë bota ka filluar të kuptojë se kush në të vërtetë dhe në thelb shkakton probleme në rajon”, përfundoi Vuçiq.
