Trajneri i ri i Rumanisë, Mircea Lucescu foli sot në konferencë për shtyp para ndeshjes Kosovë – Rumani, që luhet nesër në “Fadil Vokrri”.
Ai u shpreh se ekipi që ai drejton tashmë ka fituar një përvojë të madhe me paraqitjen në kampionatin europian “Gjermania 2024”.
“Është një ekip pak më ndryshe që nga hera e kaluar kur ishte këtu (për në Prishtinë). Rumania ka fituar më shumë përvojë që nga ajo kohë, pasi luajti edhe në kampionatin europian të këtij viti. Është një ekip tejet i motivuar dhe një ekip që është i gatshëm të jap gjithçka nga vetja për të kaluar në një nivel tjetër”, tha ai fillimisht.
Tutje, Lucescu, 79-vjeçar, foli edhe për atmosferën e mundshme që do t’i presë ata në “Fadil Vokrri”.
“Unë pres një atmosferë sportive. Ndeshja do të luhet në fushë. Nuk pres të ketë incidente, do të jetë 100% fair-play”, ka thënë trajneri rumun.
