Politikani gjerman dhe ish-ministri, Michael Roth, në vazhdimësi kritikon afërsinë e Serbisë me Rusinë e Vladimir Putinit. Roth një gjë të tillë e ka bërë edhe kur ka folur për takimin e Aleksander Vulinit me Putinin, shkruan Gazeta Express.
Politikani gjerman duke e etiketuar presidentin serb, Aleksander Vucic, duke i thënë se nëse qëndrimet e Vulinit janë qëndrime të Qeverisë së Serbisë, atëherë bisedimet për integrim në BE bëhen të pakuptimta
Roth ka thënë se afërsia me kriminelët e luftës dhe prishja e demokracisë mund ta çojnë Serbinë në Kremlin por assesi në BE.
“Miqësia me kriminelët e luftës+çmontimi i demokracisë mund të çojë në Kremlin, por definitivisht jo në BE”, ka shkruar Roth.
Për këtë deklaratë ka reaguar presidenti i Serbisë, Aleksander Vucic, i cili është pyetur për këtë në një paraqitje para gazetarëve.
Vuçiq ka thënë se po ta dëgjonte Rothin, Republika e Kosovës do të ishte shtet anëtar në OKB dhe se Serbia s’do të ekzistonte ekonomikisht e Republika Srpska s’do të ekzistonte.
Shefi i shtetit serb ka përmendur telefonatën që ka pasur së fundi me Sholz, duke bërë përpjekje të thotë se rëndësi ka qëndrimi i Qeverisë gjermane dhe jo ajo që thotë Roth.
“Po ta kisha dëgjuar Rothin, Kosova do të ishte shtet dhe anëtare e OKB-së shumë kohë më parë, po ta kisha dëgjuar Rothin, Serbia nuk do të ekzistonte ekonomikisht, po ta kisha dëgjuar atë Republika Srpska nuk do të kishte ekzistuar shumë kohë më parë… Unë pata një bisedë shumë të mirë me Olaf Sholz, dhe krahasimi i Sholzit dhe Roth-it nuk ka shumë kuptim, i uroj atij të gjitha të mirat. Mirë që ndaloi të merret dhe përfshihet në politikë sepse ka qenë shumë i pasukseshëm”, ka thënë Vuçiq
