Dietat ekstreme të cilat premtojnë humbje të peshës brenda një periudhe të shkurtër, janë kthyer në një trend të rrezikshëm.
Dietat ekstreme janë regjime ushqimore që kufizojnë ndjeshëm kaloritë ose eliminojnë plotësisht disa grupe ushqimore. Shembuj të zakonshëm përfshijnë dietën “Keto”; dietën me supë; dietën me lëngje dhe dietën që përqendrohet vetëm tek proteinat.
Qëllimi i tyre është të detyrojnë trupin të humbasë shpejt peshë, por kjo humbje shpesh vjen me pasoja në shëndet.
Kur një dietë kufizon disa ushqime të caktuara, trupi nuk merr lëndët e nevojshme ushqyese, si vitamina, minerale dhe fibra. Kjo mund të ketë pasoja afatgjata në metabolizëm dhe në sistemin imunitar.
Humbja e shpejtë e peshës shpesh shkakton ngadalësim të metabolizmit, duke bërë që trupi të djegë më pak kalori, gjë që e vështirëson mbajtjen e peshës së humbur.
Dietat ekstreme zakonisht nuk janë të qëndrueshme për një kohë të gjatë dhe kur i kthehesh mënyrës së zakonshme të të ushqyerit fiton më shumë peshë sesa ke humbur fillimisht.
Këto dieta mund të sjellin ndjenja faji dhe zhgënjimi kur rezultatet e dëshiruara nuk arrihen. Shpesh, kjo çon në cikle të dëmshme të mbingrënies. Për disa njerëz, dietat ekstreme mund të japin rezultate të shpejta që duken të kënaqshme në fillim, sidomos kur synohet një peshë specifike për një event të caktuar.
Megjithatë, këto rezultate të përkohshme rrallëherë janë të qëndrueshme dhe mund të jenë më të dëmshme sesa ndihmuese në planin afatgjatë.
Në vend të dietave ekstreme është më mirë të përqafohet një stil jetese i qëndrueshëm dhe i balancuar. Një dietë e pasur me fruta, perime, proteina dhe yndyra të shëndetshme, e kombinuar me një program të rregullt ushtrimesh është mënyra më e sigurt për të arritur dhe mbajtur një peshë të shëndetshme.
Trupi ynë punon shumë për të mbajtur një temperaturë të brendshme të qëndrueshme prej rreth 37 gradë celsius. Ky është një proces fiziologjik i quajtur termorregullim. Nëse trupi ndjen se temperatura e tij e brendshme po rritet, gjëndrat e djersës aktivizohen për të djersitur dhe për ta mbajtur trupin të freskët.
Ekspertët kanë zbuluar gabimet më të zakonshme që bëjnë njerëzit kur duan të humbin peshë, të cilat mund të rezultojnë në gjithçka, nga shtimi i peshës deri te lëndimi. Specialistët në Goal Pans nga MuscleFood.com kanë identifikuar disa nga gabimet që bëni kur dëshironi të humbni peshë.
Një nga gabimet më të përhapura që njerëzit bëjnë kur përpiqen të humbin peshë është anashkalimi i vakteve.
