Nënkoloneli i Policisë në pension, Refki Morina, ka vlerësuar ngritjen e aktakuzës nga Prokuroria Speciale e Kosovës ndaj 45 personave të akuzuar për sulmin terrorist në Banjskë, duke theksuar rëndësinë e përgjegjësisë individuale për secilin të akuzuar.
Sipas tij, prokuroria ka bërë një punë voluminoze duke dokumentuar veprimet e secilit të akuzuar, përfshirë përdorimin e armëve dhe pozicionet që ata kanë mbajtur gjatë kryerjes së sulmit
“Kjo aktakuzë kërkon përgjegjësinë e secilit person veç e veç dhe për këtë është dashur kohë për të mbledhur të gjitha faktet dhe provat, përfshirë edhe ato që janë dërguar jashtë vendit për verifikim,” tha Morina në RTV Dukagjini
Ai shtoi se, edhe pse hetimet kanë marrë kohë, puna është kryer brenda afateve kohore të lejuara nga ligji.