Sot në pjesën veriore të Mitrovicës ishte zëvendësministri i Administratës së Vetëqeverisjes Lokale, Arbër Vokri. Ardhja e këtij zyrtari nga Prishtina u prit me protestë nga lideri i Demokracisë Serbe, Aleksandar Arsenijeviq, e bashkë me të edhe disa qytetarë dhe aktivistë civilë.
Kur Vokrri u shfaq në shëtitoren e Mitrovicës, ku me shumë gjasa po i jepte një intervistë ekipit televiziv që kishte ardhur me të, fillimisht aktivistët civilë, e më pas kreu i SD-së, si dhe qytetarët – filluan t’i bien bilbilit dhe të brohoritnin “Propagandë”.
Policia e Kosovës, e cila ka siguruar vizitën e Vokrrit në pjesën veriore të qytetit, ka qëndruar para qytetarëve dhe aktivistëve, duke i penguar ata që të afrohen me këtë zyrtar. Arsenijeviq-in e kishte inatosur faktin që policia nuk e lejoi të afrohej në fund të shëtitores.
“Këtu jam që fëmijë, këtu jam rritur. Dhe tani po më pengoni të eci atje, sepse ai erdhi këtu. Le të shkojë ai, jo unë, nga shëtitorja ime, nga shtëpia ime. Nëse ai tashmë ka ndonjë problem, le të shkojë, jo ne”, i tha Arsenijeviq policisë.
Për dallim nga hera e parë kur Arsenijeviq u arrestua sepse i ra bilbilit gjatë vizitës së Kryeministrit Kurti, kësaj rradhe policia nuk e bëri të njëjtën gjë!
