Të dielën Robert Lewandowski luajti ndeshjen e tij të 100-të për Barcelonën dhe klubi i dhuroi atij një fanellë për ta përkujtuar këtë rast.
Sulmuesi polak ndihmoi skuadrën e tij për një fitore komode ndaj Gironas 4-1 për të ruajtur vendin në krye të tabelës dhe për të mbajtur rekordin e tyre 100%.
Ky është sezoni i tretë i Lewandowskit për Barçën, dhe pavarësisht se i ka mbushur 36 vjet në gusht, ai e ka nisur mirë sezonin, duke shënuar katër gola nga pesë ndeshjet e tij të para në ligë, shkruan Informim.net.
“Urime, Lewy”, shkroi Barcelona në rrjetet sociale, duke postuar një foto të polakut duke mbajtur fanellën me numrin 100, i rrethuar nga shokët e tij të skuadrës.
Lewandowski ka shënuar 63 gola në 100 paraqitje për klubin e famshëm, duke fituar ndërkohë titullin e La Ligës dhe Superkupën e Spanjës./Informim.net/
