Presidentja Vjosa Osmani ka udhëtuar drejt New York-ut për takime me liderë botërorë, organizata ndërkombëtare, si dhe për aktivitete të tjera në kuadër të Javës së Nivelit të Lartë të Kombeve të Bashkuara (OKB), ka njoftuar të enjten presidenca.
Gjatë kësaj vizite, Osmani në takime me homologë do të diskutojë për zhvillimet e fundit në Kosovë, “përkushtimin e Kosovës për ta forcuar pozitën ndërkombëtare, si dhe thellimin e raporteve me shtete të tjera në përfitim të qytetarëve tanë”.
Gjithashtu do të marrë pjesë edhe në aktivitete e diskutime të shumta të organizuara nga shtetet aleate.
“Në agjendën e Presidentes Osmani do të jenë edhe një sërë aktivitetesh të përbashkëta me mërgatën shqiptare në Amerikë si dhe disa nga shoqatat të cilat e zhvillojnë aktivitet në SHBA”, thuhet në njoftimi.
