50 
Sot, e premte, rreth orës 09:42, është raportuar për një person të lënduar nga arma e zjarrit në Mitrovicë.
Rasti ka ndodhur në rrugën “Fatime Hetemi”.
Siç ka bërë të ditur zëdhënësi i Policisë së Kosovës për rajonin e Mitrovicës, Avni Zahiti, i plagosuri, një burrë i moshës madhore, është dërguar menjëherë për tretman mjekësor.
“Sot, rreth orës 09:42, në Mitrovicë, është raportuar për një person të lënduar nga arma e zjarrit. Rasti ka ndodhur në rrugën “Fatime Hetemi” në Mitrovicë. I plagosuri viktima i moshës madhore është dërguar për tretman mjekësor”, ka thënë Zahiti.
Zahiti gjithashtu ka konfirmuar se njësitet relevante janë angazhuar dhe po vazhdojnë me hetimet mbi këtë rast.
