Një vit më parë në fshatin Banjskë të Zveçanit, një grup i armatosur i prirë nga ish-politikani dhe terroristi Millan Radoiçiq, sulmoi pjesën veriore dhe Policinë e Kosovës. Nga ajo kohë deri më sot kanë ndodhur shumë zhvillime: Radoiçiq pranoi organizimin dhe pjesëmarrjen në sulm, ai u hetua në Beograd dhe në Prishtinë ku ndaj tij dhe 44 personave tjerë u ngrit aktakuzë për veprimtari terroriste. Derisa ai besohet se po qëndron në Serbi, një vit pas në fshatin tashmë të qetë të Banjskës banorët atje vazhdojnë jetojnë me misterin e sulmit të 24 shtatorit të vitit të kaluar.
Para pak ditësh, Prokuroria Speciale e Kosovës ngriti ditë më parë aktakuzë ndaj 45 personave për përfshirje në sulmin e armatosur terrorist në veri të Kosovës, në Banjskë një vit më parë, ku u vra rreshteri i policisë së Kosovës, Afrim Bunjaku.
Në një vjetorin e kësaj ngjarje terroriste, sot do të zhvillohen aktivitete të ndryshme. Nga qeveria e Kosovës është bërë e ditur se Kryeministri Albin Kurti do të shkojë së pari për vizitë në ora 09:00 në familjen e policit tashmë Hero i Kosovës, Afrim Bunjaku i cili mbeti i vrarë gjatë aktit terrorist, dhe pastaj në ora 09:30 do të vazhdojë te varri i tij për të bërë homazhe.
Po ashtu, është lajmëruar se në ora 15:00 do të mbahet një akademi përkujtimore në Prishtinë, në shënjë nderimi dhe respekti për Heroin Afrim Bunjaku.
