Në vjeshtë, lëkura jonë përballet me ndryshime të papritura, nga freskia e ajrit deri te thatësia që vjen me rënien e temperaturave. Ndaj në këtë periudhë, fytyra ka nevojë për trajtime të veçanta që fokusohen në hidratim të thellë, rigjenerim dhe mbrojtje nga faktorët e jashtëm
Në vjeshtë, lëkura jonë përballet me ndryshime të papritura, nga freskia e ajrit deri te thatësia që vjen me rënien e temperaturave. Ndaj në këtë periudhë, fytyra ka nevojë për trajtime të veçanta që fokusohen në hidratim të thellë, rigjenerim dhe mbrojtje nga faktorët e jashtëm.
Hidratimi i thellë i fytyrës
Përdorimi i maskave hidratuese me përbërës si acid hialuronik, aloe vera dhe vajra natyralë do të ndihmojë në mbajtjen e lëkurës të butë dhe të ushqyer.
Eksfolimi i Lëkurës
Pas verës, është e rëndësishme të largohen qelizat e vdekura dhe papastërtitë. Eksfoliantët e butë me përbërës si enzima frutash ose acide alfa hidroksi (AHA) ndihmojnë në rigjenerimin e qelizave dhe përmirësimin e strukturës së lëkurës.
Serumet me antioksidantë
Serumet me vitaminë C, vitaminë E ose polifenole ndihmojnë në mbrojtjen e lëkurës nga radikalet e lira dhe përmirësojnë ndriçimin e saj.
Trajtimet për rigjenerim
Nëse keni dëmtime nga dielli pas verës, është koha për trajtime rigjeneruese, si peeling kimik ose mikrodermabrazion, për të reduktuar njollat dhe shenjat e hiperpigmentimit.
Kremrat me retinol
Retinoli është një përbërës i shkëlqyer për të ndihmuar në parandalimin e rrudhave dhe rigjenerimin e lëkurës. Gjatë vjeshtës, kur ekspozimi ndaj diellit është më i ulët, është më e sigurt për të filluar ose intensifikuar përdorimin e tij.
Krem për diellin
Edhe pse vjeshta ka më pak diell, mbrojtja nga rrezet UV është ende e rëndësishme. Përdor një krem me SPF 30 ose më të lartë për të mbrojtur lëkurën çdo ditë.
Përdorimi i vajrave ushqyes
Vajrat natyralë si vaj jojoba, vaj argani ose vaj avokado janë të shkëlqyeshëm për të për një lëkurë të shëndetshme.
