Këtë verë, Manuel Neuer njoftoi tërheqjen e tij nga Kombëtarja e Gjermanisë, duke i dhënë fund një karriere të gjatë mbi një dekadë me ‘Pancerët’.
Megjithatë, zëvendësuesi i tij në ekipin kombëtar, Marc-Andre Ter Stegen, ka pësuar së fundmi një lëndim të rëndë që ia ka humbur sezonin.
Pavarësisht kësaj, Neuer nuk po mendon të dalë nga pensioni dhe të rikthehet te Kombëtarja e Gjermanisë
Anëtari i Bayernit ka thënë se Gjermania ka dy portierë të mëdhenj si Oli Baumann dhe Alex Nubel dhe nuk ka nevojë për tu shqetësuar.
“Ne kemi të paktën dy portierë të mëdhenj me Oli Baumann dhe Alex Nübel. Janë gjithashtu Bernd Leno dhe Kevin Trapp, i cili aktualisht është i dëmtuar. Nuk ka nevojë për t’u shqetësuar,” tha Neuer kur u pyet për këtë temë
Neuer luajti 124 herë për Gjermaninë përpara se të vendoste të linte futbollin ndërkombëtar për t’u fokusuar në karrierën e tij në Bayern.
