Pas përfundimit të vizitës disa ditore në SHBA, përkatësisht në Organizaten e Kombeve të Bashkuara në Neë York, Presidentja e Kosovës znj. Vjosa Osmani është kthyer në Evropë. Ajo është ndalur në Gjermani ku po zhvillon takime të ndryshme me personalitete të ndryshme ndërkombëtare.
Sot gjatë ditës ajo e ka takuar në Berlin Ministrin e Punëve të Jashtme të Shën Kitts dhe Nevis, z.Denzil L. Douglas me të cilin ka biseduar për partneritetin dypalësh dhe e ka falenderuar për mbështetjen që ky shtet i ka dhënë Kosovës.
Postimi i plotë:
Pata kënaqësinë që në Berlin ta takoj Ministrin e Punëve të Jashtme të Shën Kitts dhe Nevis, Denzil L. Douglas, të cilit ia shpreha mirënjohjen tonë për partneritetin dhe mbështetjen ndaj Kosovës.
Diskutuam rëndësinë e vazhdimit të këtij partneriteti për ta fuqizuar pozitën ndërkombëtare të Kosovës, sikurse edhe për t’i thelluar raportet tona në fusha të interesit të ndërsjellë.
