Federata e Futbollit e Kosovës ka publikuar listën për ndeshjet e tetorit.
Shtëpia e futbollit kosovar ka bërë të ditur listën e lojtarëve të zgjedhur nga selektori Franco Foda për dy sfidat e tetorit, që luhen në kuadër të Ligës së Kombeve.
Në listën e trajnerit gjerman janë të përfshirë edhe treshja e përjashtuar muajin e kaluar, Edon Zhegrova, Florent Muslija dhe Arijanet Muric.
Kjo treshe ka kërkuar falje edhe publike, përmes një letre drejtuar trajnerit, bashkëlojtarëve, Federatës dhe tifozëve.
Por kjo nuk është risia e vetme, pasi në listën e tetorit për Kosovën është i përfshirë edhe Amir Saipi, portieri i Luganos.
Kosova do të luajë me Lituaninë si mysafire më 12 tetor dhe ndaj Qipros si vendase më 15 tetor.
