Lëvizja Vetëvendosje ka publikuar një raport të Southeast European Leadership Development of Integrity (SELDI) te vitit 2023. Sipas tyre, rezultatet e suksesshme të këtij raporti janë si pasojë e qeverisjes së mirë që vjen nga Vetëvendosje.
Në këtë raport sipas LVV-së Kosova rezulton me normat më të ulëta të ryshfetit në rajon.
Ky rezultat sipas LVV-së vjen si rezultat siç thonë ata i suksesshëm i reformës në antikorrupsion me qeverinë e Lëvizjes VETËVENDOSJE!
“Në raportin e fundit të koalicionit SELDI mbi korrupsionin në vendet e Ballkanit Perëndimor thuhet se vazhdon një ngecje në reformat e antikorrupsionit. Një ndryshim drastik vërehet te rasti i Kosovës dhe suksesi i reformës së saj antikorrupsion me qeverinë e Lëvizjes VETËVENDOSJE!”, thuhet në postimin e tyre.
Në tabelën e prezantuar nga SELDI, Shqipëria mban vendin e parë në rajon për normat më të larta të ryshfetit (40 për qind), pas saj vijnë Maqedonia e Veriut, Serbia, Bosnja-Hercegovina, e në fund Mali i Zi dhe Kosova me normat më të ulëta të ryshfetit (10 për qind).