Takimi është caktuar për të premten në mëngjes: është takimi i tretë mes të dyve që nga fillimi i luftës
Të premten në mëngjes, Papa Françesku do të presë në audiencë presidentin ukrainas Volodymyr Zelensky. Kjo është bërë e ditur nga zyra e shtypit e Selisë së Shenjtë.
Ky është takimi i tretë mes të dyve që nga fillimi i luftës: i fundit u zhvillua më 14 qershor, gjatë samitit të G7, ndërsa i pari më 13 maj të vitit të kaluar.
Me atë rast, fokusi kryesor ishte në pushtimin rus të Ukrainës. Presidenti ukrainas kishte thënë se ishte i hapur për bisedime paqeje, me kusht që homologu rus të respektonte kufijtë territorialë të Ukrainës.
Në vend të kësaj, Papa vuri theksin në gjendjen e popullatës civile, duke i ftuar palët të ndërpresin armiqësitë, një pozicion që tërhoqi disa kritika, veçanërisht nga pala ukrainase./Informim.net
