Vinicius Junior është sërish në krye të mediave pasi shënoi kundër Celta Vigos në La Liga.
Sulmuesi ka qenë një lojtar kyç për Real Madridin , duke treguar ndikimin e tij në fushë dhe këtë e bëri edhe ndaj Celta Vigos në fitoren 1-2 të madrilenëve
Vini Jr. është i vetmi lojtar i Real Madridit që ka shënuar një gol, ka bërë më shumë se pesë driblime të suksesshme dhe ka fituar më shumë se 10 duele në një ndeshje të La Ligas këtë dekadë.
Ai e ka arritur këtë arritje të jashtëzakonshme gjashtë herë, duke vënë në pah talentin dhe qëndrueshmërinë e tij të jashtëzakonshme.
Paraqitjet e tij mbresëlënëse përfshijnë ndeshjet kundër Celta Vigo në 2024, Valencia në 2023, Girona në 2023, Villarreal në 2023, Mallorca në 2022 dhe Granada në 2021.
Këto statistika nënvizojnë kontributin e tij të rëndësishëm në ekip dhe ylli brazilian është në rrugën e duhur për ta fituar ‘Topin e Artë’ këtë vit.
