Sulme të shumta ajrore kanë goditur kryeqytetin libanez Bejrut, duke synuar një numër vendesh që ushtria izraelite pretendon se janë të lidhura me Hezbollahun.
Një vend është afër një spitali kryesor qeveritar. Pak pas orës 22:00 me orën lokale, një zëdhënës izraelit filloi të lëshonte paralajmërime për sulme të pashmangshme ajrore në vendndodhje në Bejrutin jugor, duke u kërkuar banorëve që të largoheshin nga ndërtesat për sigurinë e tyre.
Rreth 15 minuta pasi u dha paralajmërimi i parë, Izraeli filloi një seri sulmesh ajrore në dy lagje jugore të Bejrutit, ka raportuar BBC.
Një sulm ajror goditi jashtë spitalit kryesor qeveritar – një zhurmë e fortë e mprehtë që i dërgoi njerëzit të nxitonin për t’u mbrojtur sipas dëshmitarëve okularë.
Mediat lokale raportuan se vetë ndërtesa e spitalit publik Hariri nuk u godit drejtpërdrejt. Megjithatë, vendndodhja e saj nuk ishte ndër ato të shpallura paraprakisht si një objektiv nga ushtria izraelite
