Përfundojnë ndeshjet e së shtunës në Albi Mall Superliga.
Gjilani ka fituar me rikthim 2-1 ndaj Llapit në ndeshjen e vlefshme për javën e 10-të në Albi Mall Superligën e Kosovës në futboll.
Ndeshja e zhvilluar në Gjilan mes ‘Skifterave’ dhe ‘Legjendave’ ka dhuruar spektakël për tifozët, me shumë raste shënimi, shtylla dhe shumëçka tjetër.
Pjesa e parë u karakterizua me lojë thuajse të barabartë, por me vendasit që patën më shumë nga loja dhe mysafirët që shënuan golin e vetëm.
Goli i vetëm në këtë pjesë erdhi në minutën e 44-të të ndeshjes, kur Ardit Tahiri shënoi me kokë pas asistimit të Arbnor Ramadanit dhe ekipet shkuan në pushim me epërsi 0-1 të Llapit.
Dukagjini dhe Ballkani kanë luajtur baras 0-0 ndeshjen e vlefshme për javën e 10-të në Albi Mall Superligën e Kosovës në futboll.
Klinasit dhe therandasit kanë luajtur një lojë të barabartë, duke mos arritur asnjëra t’i marrë tri pikët edhe pse vinin nga fitoret në ndeshjet e fundit.
Pjesa e parë e ndeshjes u karakterizua me lojë të barabartë dhe me raste të pakta shënimi duke bërë që të mbyllet pa gola (0-0).
