I dërguari i posaçëm i BE-së për dialogun ndërmjet Kosovës dhe Serbisë, Miroslav Lajçak, pavarsisht ngecjeve në dialog ka deklaruar se është optimist për progresin në lidhje me disa çështje të tjera kyçe në përmirësimin dhe normalizimin e marrëdhënieve mes Kosovës dhe Serbisë.
“Javën e kaluar, prita një raund tjetër dialogu me mbështetjen e BE-së në nivelin e negociatorëve kryesorë, me fokus në avancimin e normalizimit të marrëdhënieve ndërmjet Kosovës dhe Serbisë, veçanërisht përmes zbatimit të Marrëveshjes për Rrugën e Normalizimit nga viti 2023. Edhe pse nuk kemi bërë një përparim për këtë çështje, unë jam optimist për disa përparime në disa çështje të tjera kyçe, të cilat do t’i monitorojmë në javët në vijim”, tha Lajçak në Twiter.
Tutje ai ka shtuar se javën e kaluar ka pasur mundësinë të takohet me drejtorin e Sekretariatit të Komunitetit të Energjisë dhe të diskutojë për bashkëpunimin energjetik në Ballkanin Perëndimor dhe rëndësinë e integrimit të tregut në BE, mes, siç thekson, kompleksitetit të marrëdhënieve mes Kosovës dhe Serbisë.
“Unë u angazhova gjithashtu në një diskutim të frytshëm me ambasadorin japonez në BE, duke përditësuar gjendjen e dialogut dhe duke eksploruar mënyra për të forcuar lidhjet dhe bashkëpunimin tonë. Unë vlerësoj angazhimin afatgjatë të Japonisë në Ballkanin Perëndimor me synimin për të mbështetur rajonin përpjekjet për reforma”, thotë ai.
Hosted the Chief negotiators of Kosovo and Serbia in Brussels today. We spoke about the implementation of the Ohrid Agreement, which is yet to start on substance. We also discussed a number of important issues stemming from past agreements and agreed on next steps. pic.twitter.com/ZOpMwjfa1H
— Miroslav Lajčák (@MiroslavLajcak) October 24, 2024
