Një ngjarje e rëndë ka ndodhur pasditen e kësaj të mërkure në Shkodër, ku raportohet për tre të vdekur dhe një të plagosur.
Të shtënat me armë zjarri janë shënuar në zonën e njohur si “5 Heronjtë e Vigut”, në lagjen e Dobraçit, ndërkohë që autoritetet janë mobilizuar menjëherë për të hetuar rrethanat e incidentit
Sipas informacioneve paraprake, kemi të bëjmë me një atentat, ku automjeti me të cilin lëviznin 4 personat u qëllua me breshëri plumbash nga një tjetër automjet në lëvizje.
Raporthet se edhe personi i plagosur është në gjendje të rëndë shëndetësiore. Ai është transportuar me urgjencë në spital për të marrë ndihmën e nevojshme mjekësore.
Policia ka ngritur disa postblloqe në qytetin e Shkodrës dhe po vijon punën për kapjen e autorëve dhe sqarimin e rrethanave të ngjarjes. /EuronewsAlbania/
