Sporting CP ka arritur një marrëveshje të plotë me Manchester United për të lejuar Ruben Amorim të largohet dhe të bëhet trajneri i ardhshëm në Old Trafford.
Në fillim të kësaj jave, United informoi Sportingun për qëllimin e tyre për të aktivizuar klauzolën e lirimit të Amorimit prej rreth 10 milionë euro [8.3 milionë £] pasi ai ra dakord verbalisht për të pasuar Erik ten Hag. i cili u shkarkua pas humbjes 2-1 të së dielës ndaj West Ham.
Për momentin, Ruud van Nistelrooy do të jetë menaxher i përkohshëm për ndeshjet e ardhshme kundër Chelsea, POAK dhe Leicester City, me Amorim që do të marrë drejtimin e ndeshjes së tij të parë me United në ndeshjen e tyre në Premier League kundër Ipswich Town më 24 nëntor.
Prandaj, Amorim do të qëndrojë me Sportingun për tre ndeshjet e ardhshme kundër Estrela Amadora, Manchester City dhe Braga.
Raportet e hershme sugjeruan se Amorim mund të kishte qenë në krye për ndeshjen e së dielës me Chelsean, por Sporting ishte ‘i vendosur’ të mbante trajnerin e vlerësuar për ndeshjet e mësipërme, sipas The Athletic.
United, ndërkohë, i pranoi këto terma ‘në njohje të pozicionit të tij në klubin portugez’ dhe ‘dëshirën e tij për një largim të qetë në mes të fushatës’.
Gjithashtu ka dalë se United është i gatshëm të paguajë 1 milion euro shtesë për të siguruar nënshkrimin e Amorimit në mënyrë që ai të mund të fillojë punën gjatë pushimit ndërkombëtar.
