Në një moment të ngarkuar emocionalisht gjatë largimit të Atilla Kardesh nga shtëpia e Big Brother VIP Kosova 3, ndodhi një episod që tërhoqi vëmendjen e publikut.
Gjatë përshëndetjes me banorët, Kardesh iu drejtua ish-bashkëshortes së tij, Drenusha Latifi, duke i zgjatur dorën në shenjë përshëndetjeje. Megjithatë, Latifi refuzoi të përgjigjej në këtë gjest
Në vend që të pranonte përshëndetjen, ajo i tha shkurt: “Vazhdo”, duke i bërë të qartë që nuk dëshironte të kishte asnjë kontakt fizik, madje as për një përshëndetje formale.
Ky refuzim publik për të pranuar dorën e ish-bashkëshortit të saj ka bërë jehonë të madhe në rrjetet sociale dhe mediat online, duke ngjallur reagime dhe komente të shumta nga shikuesit
Incidenti vjen pas një valë reagimesh dhe kërkesash për largimin e Kardesh nga programi, të cilat pasuan hyrjen e tij në shtëpi përkrah ish-bashkëshortes, që më herët e kishte akuzuar për dhunë dhe kishte marrë një urdhër mbrojtjeje kundër tij
Refuzimi i përshëndetjes nga Drenusha është konsideruar nga shumë komentues si një shenjë e qartë e kufijve që ajo ka vendosur për të mbrojtur veten.
