Katar do të ndalë përpjekjet për të ndërmjetësuar një armëpushim mes Hamasit dhe Izraelit deri sa të dyja palët të tregojnë një “gatishmëri të sinqertë” për të u kthyer në tryezën e bisedimeve, tha një zyrtar i informuar për këtë çështje për Reuters të shtunën, duke shënuar një rënie të madhe për përpjekjet për arritjen e një truce që nga fillimi i luftës.
Po ashtu, shteti i Gjirit ka arritur në përfundimin se zyra politike e Hamasit në Doha “nuk i shërben më qëllimit të saj,” shtoi zyrtari, duke i dhënë një goditje grupit militant palestinez, pas vrasjes nga Izraeli të disa prej liderëve të lartë të tij.
Katar, së bashku me Shtetet e Bashkuara dhe Egjiptin, ka luajtur një rol të madh në raundet e bisedimeve, të cilat deri tani kanë qenë të pasuksesshme, për të ndërmjetësuar një armëpushim në luftën njëvjeçare në Gaza. Raundi i fundit i bisedimeve në mes të tetorit dështoi të prodhonte një marrëveshje, pasi Hamasi refuzoi një propozim për një armëpushim afatshkurtër.
“Qatarët kanë thënë që në fillim të konfliktit se mund të ndërmjetësojnë vetëm kur të dyja palët tregojnë një interes të vërtetë për të gjetur një zgjidhje,” tha zyrtari, duke shtuar se Katari ka njoftuar Hamasin, Izraelin dhe administratën e SHBA-së për vendimin e tij.
Uashingtoni i kishte thënë Katarit se prania e Hamasit në Doha nuk ishte më e pranueshme në javët që kur grupi militant palestinez hodhi poshtë propozimin e fundit për të arritur një armëpushim dhe një marrëveshje pengjesh, tha të premten një zyrtar amerikan.
