Është raportuar se Rodrigo Bentancur do të dënohet me një ndalim të konsiderueshëm nga futbolli për shkak të një deklarate të supozuar raciste.
Mesfushori i Uruguait u akuzua nga FA për sjellje të pahijshme për një koment që ai bëri në një program televiziv në korrik për shokun e skuadrës Son Heung-min.
Në një intervistë me stacionin uruguaian Canal 10, Bentancurit iu kërkua të tregonte fanellën e një lojtari të Spurs dhe supozohet se u përgjigj: “E Sonny? Mund të jetë edhe kushëriri i Sonny, pasi të gjithë duken njësoj.”
Son më vonë deklaroi se Bentancur i kishte kërkuar falje dhe shtoi se ai ende ‘e do’.
Ai tha: “Ai e dinte. Ai kërkoi falje menjëherë kur kishim pushime. Unë isha në shtëpi – as që e kuptoja se çfarë po ndodhte. Ai më dërgoi një mesazh të gjatë dhe mund ta ndjeje se po vinte nga zemra e tij.
“Kur u kthyem nga para-sezona, ai ndjeu shumë keqardhje dhe pothuajse qau kur kërkoi falje publikisht dhe personalisht”.
Përveç faljes së tij personale ndaj Sonit, mesfushori ka postuar edhe një falje të gjatë në llogarinë e tij zyrtare në Instagram.
Bentancur u përball me thirrje për t’u goditur me një ndalim të gjatë nga FA për vërejtjen.
Dhe tani është raportuar nga Daily Mirror se Tottenham është i përgatitur që uruguaiani të marrë një ndalim me shtatë ndeshje nga garat vendase.
Një ndalim i tillë do të thotë se ai ka të drejtë për ndeshjet e Europa League, por nuk do të jetë i disponueshëm për ndeshjet e Premier League ose Carabao Cup.
