18 
Naser Hafizit, drejtorit të Autoritetit të Rajonit të Pellgjeve Lumore në Ministrinë e Mjedisit, i është vazhduar paraburgimi.
Hafizi dyshohet se kundërligjshëm është përfshirë në faljen e borxheve për kompanitë që merren me ambalazhimin e ujit.
“Të pandehurit N. H. i është vazhduar masa e paraburgimit në kohëzgjatje prej 2 muajsh, respektivisht nga data 10.11.2024 deri më 10.01.2025”- thuhet në përgjigjen e Gjykatës Themelore të Prishtinës.
Hafizi ishte arrestuar në Aeroportin e Prishtinës më 10 tetor kurse që nga 11 tetori gjendet në paraburgim.
