Kandidati i PDK-së për kryeministër, Bedri Hamza, ka vazhduar me takimet e tij me punëtorë të sektorit privat.
Hamza ka qenë edhe te një fabrikë e qumështit, ku ka premtuar se do të angazhohet që të gjithë prodhuesit, ndërmarrësit dhe punëtorët të mund ta realizojnë potencialin e tyre, të zhvillohen dhe të krijojnë një jetë më të mirë, për veten dhe fëmijët e tyre, për familjet, shoqërinë dhe vendin tonë.
“Çdo ndërmarrje do ta ketë shtetin si partner në zhvillim, sepse zhvillimi i tyre nënkupton edhe rritje të mirëqenies për punëtorët dhe zhvillim për shtetin”, ka shkruar Hamza.
“Këtë javë takova punëtorë të shumtë të sektorit privat dhe vizitova biznese të ndryshme. Çdo ndërmarrje do ta ketë shtetin si partner në zhvillim, sepse zhvillimi i tyre nënkupton edhe rritje të mirëqenies për punëtorët dhe zhvillim për shtetin. Do të angazhohem që të gjithë prodhuesit, ndërmarrësit dhe punëtorët të mund ta realizojnë potencialin e tyre, të zhvillohen dhe të krijojnë një jetë më të mirë, për veten dhe fëmijët e tyre, për familjet, shoqërinë dhe vendin tonë. Kosova mundet ma mirë!”, ka shkruar Hamza në Facebook.
