Artan Abrashi, deputet i Lëvizjes Vetëvendosje ka thënë se sistemi i drejtësisë frikësohet nga mediat.
Ai në “Pressing” të T7, të mërkurën e ka treguar një rast kur si deputetë kishin marrë iniciativë për monitorimin e Ligjit Civil kundër shpifjes dhe fyerjes.
Por, Abrashi tha se institucionet iu kanë thënë se “nuk kanë llogari të merren me mediat”.
“Kur e patëm marrë një iniciativë që ishte përkrahur nga të gjitha partitë politike, për me monitoru ligjin për shpifje, sapo zbatohet prej gjykatave. Kemi shku në gjykatë themelore, në krejt instancat, në KPM, në AGK – edhe krejt na kanë thënë se nuk keni llogari me u marrë me media”, ka thënë ai.
Më pas autori i emisionit “Pressing”, Leonard Kerquki, e pyeti se çfarë nënkuptonte ai, që “institucionet e drejtësisë frikësohen nga media”. Përgjigja e Abrashit ishe që po.
