Presidenti serb Aleksandar Vuçiq e kryeministri sllovak Robert Fico po shkojnë bashkë në Moskë. Kjo u konfirmua sot nga të dy. Pas këtij takimi nuk munguan lajkat mes njëri-tjetrit. Vuçiq e quajti Ficon trim të rrallë dhe e falënderoi nga zemra për mosnjohjen e Kosovës. Tha se për këtë arsye sllovaku mund të shkojë në Serbi dhe të ju thotë çfarë të dojë. Fico e siguroi presidentin serb se nuk do ta zhgënjejë kurrë rreth Kosovës.
Presidenti serb Aleksandar Vuçiq ka vendosur që të takohet me presidentin rus Vladimir Putin. Këtë e rikonfirmoi sot edhe kryeministri sllovar Robert Fico.
Pas një takimi që këta dy patën në Serbi, Fico tha se foli me Vuçiqin dhe u dakorduan që në muajin maj, të dy bashkë të shkojnë në Moskë.
“Shpresoj se mund të them se ramë dakord që në maj të shkojmë së bashku në Moskë sepse ndajmë të njëjtin mendim se si të luftohet fashizmi dhe se duhet të respektojmë dëshirat që ishin të pranishme për çlirimin e vendeve tona pas Luftës së Dytë Botërore”, tha kryeministri sllovak Robert Fico pas takimit me presidentin serb Aleksandro Vuçiq.
Fico tha se i vjen keq që nuk takohet më shpesh me Vuçiqin, pasi biseda e sotme tregoi potencialin që vjen kur flasin politikanët që promovojnë një politikë të pavarur dhe sovrane dhe që respektojnë të drejtën ndërkombëtare.
“Do të doja shumë që marrëdhënia jonë të ishte një marrëdhënie besimi reciprok. Sa i përket të tashmes, ne mund të mbështetemi tek njëri-tjetri dhe do të doja të them qartë dhe pa hezitim se ne respektojmë Serbinë dhe sa i përket Kosovës, nuk do t’ju zhgënjejmë kurrë”, tha Fico.
Ai e përgëzoi Vuçiqin për rezultatet vendimtare dhe tha se vendet perëndimore do të ishin shumë të lumtura nëse do të kishin normën e rritjes ekonomike që ka Serbia.
Presidenti serb Aleksandar Vuçiq tha pas takimit se ishte një moment i mrekullueshëm për të që kishte mundësinë të bisedonte me një burrë shteti të madh si Fico, për të cilin tha se e admironte sepse e di se sa e vështirë është të drejtosh politikë të pavarur sot.
Ata diskutuan për përmirësimin e marrëdhënieve dypalëshe dhe bashkëpunimin ekonomik, ndërsa shtoi se në bisedën me kryeministrin e Serbisë është biseduar edhe për situatën gjeopolitike dhe janë pajtuar se paqja në Ukrainë dhe Rusi është e një rëndësie të madhe sepse “shfryrja e konflikteve të luftës askujt nuk i bën mirë.”
“Serbia dhe Sllovakia do të mbrohen bashkërisht kundër çdo gjëje që është trashëgimi e fashizmit dhe nazizmit dhe ne do të parandalojmë rishikimin e të njëjtave fakte”, tha Vuçiq.
Serbia u trondit nga sulmi ndaj Ficos dhe se e morën si mesazh urrejtjeje dhe Vuçiq tha se një trim i tillë është i rrallë
Vuçiq shtoi se Serbia e dënoi menjëherë këtë dhe se nuk kishte dyshim se pas atentatit qëndronte një fushatë urrejtjeje kundër kryeministrit sllovak. “Ne duam paqe dhe kështu do të bëjmë politikën tonë”, tha Vuçiq.
Ai ka bërë të ditur se Sllovakia do të ketë 60 ushtarë në Kosovë dhe se në këtë mënyrë do të mund të japin gjykimin e tyre për situatën aktuale.
Ai e falënderoi Fico-n për mosnjohjen e Kosovës si shtet të pavarur dhe se për këtë arsye Fico “mund të vijë dhe të na thotë çfarë të dojë”.
Fico ka mbërritur në Serbi mëngjesin e sotëm, ndërsa në aeroportin Nikola Tesla është pritur nga ministri i Jashtëm i Serbisë, Marko Gjuriq
