20 
Policia e Kosovës ka njoftuar se ka kryer sot një kontroll në një shtëpi dhe objekte përcjellëse në fshatin Grabovc të Zveçanit, ku ka arrestuar një person dhe ka konfiskuar armë, mjete shpërthyese e municion.
Personi i arrestuar është një 56-vjeçar me inicialet D.R.
“Në lidhje me rastin është arrestuar personi (D.R) viti i lindjes 1968 i cili është shoqëruar në stacioni policor dhe i njëjti është intervistuar në prezencën avokatit mbrojtës. Të gjitha veprimet e ndërmarra i janë paraqitur prokurorit të rastit, ku pas intervistimit, me aktvendim të prokurorit i dyshuari dërgohet ne mbajtje për 48 orë”, thuhet në njoftim.
