Analisti, Kastriot Jahaj ka deklaruar se ministri i Bujqësisë, Faton Peci duhet të kërkojë falje publike Fahrije Hotit dhe KB Krusha për referimet publike në reagimet e tij ndaj anulimit të një subvencioni në vlerë të 100 mijë eurov të Korporativës Bujqësore.
Jahaj theksoi se përpos kërkim faljes publike të Pecit, duhet të jetë edhe dorëheqja e tij nga pozita e ministrit dhe hapja e dyerve të hetimit nga institucionet kompetente të drejtësisë.
Analisti, Jahaj në “Debat Plus” të Televizionit Dukagjini tha se gratë e Krushës në Kosovë përfaqësojnë dy periudha kohore shumë të “ndjeshme” dhe të rëndësishme në historikun e luftës dhe pasluftës.
“Gratë e Krushës duhet të kemi parasysh që ato i përfaqësojnë dy periudha kohore shumë të ndishme. E para përfaqësojnë vendin ku është dëmtuar nga lufta më së shumti dhe së dyte ato janë zani jonë, për shkak se përfaqësojnë ringjalljen e një grupi të grave ku ju kanë vra djemtë dhe burrat. Atë fushatë për etiketimin e Krushës, I ka nisur Peci e jo mediat., Peci ka dashur të bëjë fiskultuara për largimin e vëmendjes ndaj skandaleve. Do gra që përfaqësojnë ringjalljen e grave në Kosovë, ka dale dhe I ka akuzu për hajni. Ministri Peci duhet të kërkojë falje dhe duhet të jap dorëheqje për mbrojtjen e tenderave dhe subvencioneve. Peci me qenë që përfaqëson një mendësi të qeverisjes demokratike dhe I jep llogari qytetarëve, ai kërkon falje zonjes Hoti, jep dorëheqje dhe i hap rrugë krejt komisioneve disiplinore, rishikuese, prokurorisë, policisë me I hetu ato raste”, tha Jahaj.
Jahaj shtoi se ministri Liburn Ali, i vetmi që i ka bërë thirrje prokurorisë për hetim ndërsa të tjerët e kanë sulmuar “prokurorinë, mediat dhe gazetarët” pa pikë nevoje
